पुणेरी "पाट्या" ते पुणेरी "पार्ट्या"

पुण्यनगरी  म्हणून ओळख असलेल शहर म्हंजे  पुणे .

पुणे !! असं म्हटलं की लागलीच डोळ्यासमोर उभ राहत ते पुण्याचा  वैभवशाली इतिहास , तिथली माणस पुण्याबद्दल (जास्तच )अभिमान असलेली, तिथला शनिवारवाडा ,सिंहगड  इ.,त्याच बरोबर तिथली संस्कृती , आणि आणखी एक महत्वाच म्हणजे "पाट्या " खास पुणेरी शैलीतल्या .
पुण्यातल्या ह्या इरसाल पाट्या म्हणजे पुणेकरांचा अभिमान च आहे .  अगदी मोजक्या शब्दात समोरच्याला काहीतरी शिकवणाऱ्या त्या पाट्या ! अगदी घराच्या दरवाज्यापासून ते five स्टार हॉटेल च्या बाहेर हि दिसून येतात ह्या पुणेरी पाट्या .

पण आजकालच्या काही वर्षात पुण्याच्या ह्या "पाट्या" पेक्षा  पुणे " पार्ट्या " मुळे  ओळखू लागलं आहे .
विद्येचे माहेरघर असणार्या ह्या पुण्यात अनेक विद्यार्थी पुण्यात शिकायला येतात . त्यांच्यात असतो तारुण्याचा तो सळसळता उत्साह . आणि मग सर काही विसरून सुरु होतात त्या "ओल्या पार्ट्या ", कधी सिंहगडाच्या पायथ्याशी , तर कधी एखाद्या हॉटेलात . हे सार काही विशी -पंच्विशित्लीच मुल मुली करताहेत अस हि नाही तर ८वी , १०वी मधली मुल हि करू लागली आहेत आणि त्यांच्या विरुद्ध तक्रार करत कोण तर त्या मुला मुलींची पालकच . केवढी हि भीषण अवस्था . हाच का तो आपला पुरोगामीपणा ? लोकमान्य टिळकांनी स्वातंत्र्य पूर्व काळात लोकांनी एकत्र याव ह्यासाठी सार्वजनिक गणेशोत्सव सुरु केले , आणि आजकाल एकत्र येण्यासाठी "पार्ट्या " कराव्या लागतात . पण काय होत ह्यातून साध्य ?  कसली होते विचारांची देवाण -घेवाण . हे सार  चित्र काही एकट्या पुण्यातलं नाही तर साऱ्या छोट्या -मोठ्या शहरा मध्ये सुरु आहे . का होत असेल अस .. विचार करा  उत्तर आपोआपच मिळेल ..कारण सुरुवात स्वतः पासूनच होते .

                                                                                                           -प्रफुल्ल शेंडगे